位置主页 > 周边智能 >《游走豪门的艺术家

《游走豪门的艺术家

作者 时间:2020-05-28 阅读次数:955
《原创文章 欢迎转载 请列明出处 谢谢》-请支持蓝狮 Facebook专页-《游走豪门的艺术家 按此观看图片 相信如果你有留意开英超一段唔短既时间,对哩位人兄都一定有认识,被球迷称之为「白粉佬」,当然都只係形容佢既外面,至于实际能力同技术,相信有睇过佢踢波都唔需要怀疑,如果你话路斯基係阿仙奴既莫札特,咁今集既主角班拿约就係游走豪门既艺术家。经已淡出主流联赛好几年,班拿约以三十有八之龄正式宣布退役,回头望番以色列人既足球生涯,最为人认识就必定係喺英超效力既九年时间,喺哩段时段当中班拿约大大小小效力过五支英超球队,其中仲要包括当年仲係「Big4」年代既利物浦、车路士以及阿仙奴哩三支劲旅,而且仲要喺队队都交足货无甩拖,试问如果无番咁上下实力又边有可能同时能够喺哩三队度立足。班拿约左右脚既运用都非常出色,喺优秀既技术根底下盘球能力亦都相当出众,加上亦能自己埋门,可以话係其他英超后卫既恶梦,有速度同技术可能话过你就过你,你想撞佢佢又未必跌,就算佢跌左又可能博到犯规,基本上係一个好洗好用既进攻球员,而喺利物浦既成长可以话将班拿约推到大赛舞台上,令世界唔少球迷都认识到哩位以色列既中场球员。继后亦随住费兰度托利斯既脚步转投死敌车路士,其实当初蓝军买佢既原因好大程度就係为左激活哩位「西班牙王子」,同时为林伯特同艾辛哩啲刚强既中场之中加添一点技术味道,对于当时唔少车迷黎讲的确几有新鲜感,可惜其后有马达既加盟,位置同战术职责上都有重叠既地方,最终蓝军选择将佢外借到阿仙奴。而喺枪手短短一季既球员生涯之中,班拿约既表现绝不失礼,更令唔少阿仙奴球迷希望云加买断,但最终都未能成事。而职业生涯尾段班拿约选择回流到自己家乡以色列联赛效力,希望以一啲平淡以简单既足球生活作终结,不过无论过左几多年,相信球迷对哩位游走豪门既以色列艺术家印象依然深刻。文章最后更新时间 : 12/4/2019 10:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
相关的推荐阅读
最新信息
热门文章
热门问答